Punizions per e-mails y fax nia damandei Aldò de la leges talianes dla privacy, e-mails y fax zënza adressa dl rezevënt daussa mé vester spedì cun apruvazion dl rezevënt. La spedizion de e-mails y fax nia damandei ie pruibida y punibla (d.l. n. 196/03). Sce avëis da nfé cun tel e-mails o fax, pudëis scrì ora l relatif formuler y l mandé inant a l trasmitënt coche avertimënt. Download l formuler >
Rai TV Ladina - Deboriada: families incö - Trasmiscion dedicheda al Internet tla families Internet, na inuvazion periculëusa?
N Juebia, 12.11.2009 tla trasmision sun la Rai TV Ladina. Che l internet ie ruvà a var plën te nosta ceses ne n'ie nia plu velch de nuef.
Ma cie valor al pa te nosta vita? Se tratel pa de na sauridanza? Velch che nes scemplifichea nosta vita o cumportel pa periculi, dificulteies y tëmes?
N film de Adele Moroder,
Regia de Georg Penn.
Cun la partecipazion di amministradeures dla Internet Service, Markus Rabanser i Luca Prinoth coche esperc sun l tema.
Ti proscimi 5-6 ani (sajon 2014/2015) l numer dla prenutazions via web aumëntà da 28% a 43%. 29% di tudësc chier nfurmazions tl internet dan apusté si vacanzes. Chisc dac resultea dal stude “Krise & Beyond: Multichannel – dinamica tl turism 2009-2015” dla GfK, Tempora, iProspect y Google Deutschland.
Ti ultimi ani ie stata na gran evoluzion dl cumpurtamënt dl viagë; dala prenutazions tl ufize de viac, ala crida de nfurmazions tl internet cun prenutazion tres l ufize de viac, nfin all’online-booking.
Nia me jëuni, ma for plu y plu consumënc de tëmp aposta si vacanzes online.
Tl’ultima sajon da d’inviern n terzo de duc i viacs ie unì apustei tres internet. L motif per chësc svilup ie bonamënter la crisa economica y finanziaria.
L stude se basa su na nrescida de 20.000 families tudësces realiseda da GfK-Travelscope.
Prognoses positives per retlam online
Bele tl 2011 l retlam online sarà al prim post coche mesun de retlam, dan la televijion y la stampa.L crëscer dl retlam tl Internet resta sëura la media y nchina l 2014 amunteral a 1/3 de duta la spëises per l retlam. Tl daunì enghe cunsumënc nvestirà plu scioldi per l Internet che per autri mesuns de retlam.
La “Wirtschaftsprüfungs- und Beratungsgesellschaft PwC” se aspieta te si "German Entertainment and Media Outlook 2010-2014", che la cuota dl retlam online aumenterà dal 22% tl 2009 al 32% tl 2014.
Pervia dl svilup dl Internet mubil cun aparac atratives y flatrates cunvenienc, passa i cunsumënc for plu y plu temp online. Chësc svilup positiv ie ënghe da udëi tl bilanz dl retlam.
Tl 2014 unirà spendudes 11,3 miliardes de Euro per l Internet, chël uël di chë l ie al prim post pra la spëises di cunumënc, dan i libri (10,3 miliardes de Euro) y la spëises per la televijion (9,7 miliardes de Euro).
Wi-Fi debant dal prim de jené – abulida la lege Pisanu
L Wi-Fi ie debant dal prim de jené: do ani de tratatives belau duta la ublianzes di hotspot wi-fi publics dla lege Pisanu dl 2005 ie states abulides. I tituleres muessa nia plu i nutifiché l trafich Internet di utënc.
I Internet Points à nchin al 31 de dezëmber l duvier de damandé na lizënza ala questura. Aziendes che pieta Internet coche prestazion extra, per ejëmpl hotiei, bar y n.i. à nia chësc duvier y possa pité l culegamënt Internet debant.
La lege dl 2005 ie un di motifs che à tenì su l svilup dl Internet ti locai publics tla Talia. Chësta situazion mussësa miuré cul decret nuef. L minister Maroni à mpermetù de mantenì n valguna normes de segurëza per Internet Points publics.
Internet marketing SEOKOMM Austria
Ai 25.11.2011 se à inò urtà i SEOs (Suchmaschinen Optimierer) di raions de rujeneda tudescia per la cunferënza d'autonn a Salzburg sun la SEOKOMM. La manifestazion, che n cunfront a l'ann passà fova scialdi miureda, purtova dant, sciche al solit, minonghes defrëntes sun la medema cuestion. Sciche suvënz muessa daldò uni SEO nstës se fé si minonga ënghe n basa a si esperienza.
Gën mandons a nosc tlienc n valguna nuviteies che reverda Internet Marketing:
La publicisazions a paiamënt pra Google Adwords deventerà for plu nteresantes, ajache suvënz ne basta nia plu na bona otimisazion dla plates web. Spezialmënter ti caji de na publicisazion de prescia, per ejempl per curí na "locia uëta" (Buchungslücke) ie chësta bonamënter l miëur y belau unico mesun per giaté da lascé via l ultimo mumënt.
I portai Social Media ie danieura tl crëscer, ora de Facebook, Twitter y co. iel da cunsié de se dé ju sëurapro cun Google +.
Dantaldut l mesun de crië na prejënza o miec na sort de plata per i fans (Fanseite) ie dassën da cunsië, ajache chëstes giapa n bon plazamënt, ënghe sce mé per curt tëmp, al dò de si atualità, sun Google.
De grandiscima mpurtanza ie al mumënt Google Places. Uniun dassessa se scrì ite pra chësta "Plattform". L juda dantaldut a ve abiné cun na prejentazion plu completa ti resultac de Google (cun chërta geografica, adress etc.).
Duc chisc dac pudëis ve crié nstesc, ma l va de bujën de na cërta cunescënza de computer y de internet.
SÜDTIROL.EU ie la prima Top Domain ulache “Südtirol” ie scrit tla drëta maniera, cun l’ “u cun i doi ponc (ü)”. Internet Service à abù l cunsëns de avëi chësta prima Top Domain per Südtirol. plu informazions >
UNIKA esposizion artistica 2009 La nueva plates fates da Internet Service per l'UNIKA je online. Jide a ti ciale a chesta beliscima esposizion virtuela. plu informazions >
Emails cun dumandes de albierch de trapulons Ti ultimi dis i enes, a n grum de Hotiei i autri afitamajons giapa dumandes de afite via da trapulons. plu informazions >
Internet Service Story. La storia de Internet Service te na trasmisscion "Prisma" de Egon Vinatzer sun Radio Gherdëina. scota su la trasmiscion > Trapularies tl Internet Metede a verda sun la trapularies tl internet sciche l' “Registro italiano in internet delle imprese”, i “Elencom Commerciale”. plu informazions >
Internet Service venc cun Relais & Chateaux Gardena Grödnerhof l INTERNET-AWARD dla HOGAST - 1.post
Mieura plates web dla (Bavaria) Germania, Austria i Südtirol. plu informazions >
Noc nuev ufize je sen tla via Sneton 17 a Urtijëi. Sun chesta plates pudeis ti ciale a vel impresion dla inaugurazion. plu informazions >
Ënghe tla Talia caji de trapules cun abunamënc La „Europäische Verbraucherzentrale (EVZ)“ mët n verdia de trapules cun abunamënc tl Internet tla Talia. Ti paejes de rujeneda tudëscia ie chësta trapules bel giut sparpaniedes. L se trata de plates web che pieta programs gratis (per ejëmpl Skype, Google Earth, Adobe Readery n.i.) da ciarie ju, ma nia debant. Chisc programs fej pert dla “Freeware” y perchël miena l cunsumënt che l “download” ie debant. Ntant ie la adurvanza de chësta plates web nia debant, suvënz muessa l cunsumënt scrì ora n formuler d’iscrizion y nsci cumpré n abunamënt per de plu ani. Nëus ve cunsion de liejer for cun cura duc i formuleres, dan ndiché vosc dac persunei tl Internet. Tl cajo che tumeis purempò te na tel trapula, ie la “Europäische Verbraucherzentrale” de Bulsan for a vosta despusizion.
Facebook – n chert dl trafich Internet ti USA La rëies sozieles ie la plates plu vijitedes tl Internet.
Aldò de la statistiches de Hitwise, Facebook ie al prim post tl trafich Internet ti USA, cun 24,27% tla segonda ena de nuvëmber. Youtube ie al segondo post cun 6,39%, Google cun 5,32% y Yahoo-Search cun 0,68%. L Internet tres „smartphone“ ie nia unì cunscidra tla statistiches.Ënghe per la vijites dla plates Internet, Facebook ie al prim post (10,28% de vijites), dan Google (7,21%) y Youtube (3,19%).
I cunflic danter Facebook y Google va ntant inant: Facebook a tëut demez Gmail dala lista di “e-mail provider” per la mpurtazion di cuntac di utënc.
Miurëde vosta plates internet per i utënc – y nia per Google Maile Ohye, Developer Programs Tech Lead de Google rejona dl svilup tla crida tl internet. Plu da giut an adurvà plug-ins per mustré la plates internet zënza defec,al didancuei à l HTML5 sëurantëut chësta ncëria. Plu da giut à la plates internet cumbatù per l bënulëi di utënc, ncuëi cumbatles per i motores da crì tl internet y i motores da crì tl internet cumbat per l bënulëi di utënc.
Maile Ohye cunsieia de se cunzentré sun l miuramënt dla plata internet per i utënc y nia sun i „keywords“ o l miuramënt dl „page rank“. Chësc moto vel bele dal 2003.
Aldò dla managerin de Google la plates internet dëssa prejenté: cuntenuc y servijes straurdineres, cunzec mpurtanc, „smart tags“, tré adalerch links de autra plates y valutazions, cunscidrazion de svilups atuei coche social media y dac locai.
Trapularia: e-mails cun mitënt “Registro del Mercato nazionale”
Ti ultimi dis à n valgun tlienc giapa na e-mail cun mitënt “Registro del Mercato nazionale”, ulache l vën pità de plu sortes de retlam. Chisc formuleres ie modiei de cuntrac cun custimënc de passa 1.200 €. Nëus ve recumandon de iniuré chësta e-mails. Sce giapeis suvënz tel prupostes y ne savëis nia co ve astilé, ve judon gën.
L smartphone sustituësc for plu suvënz l computer
Chësc resultea da n stude dla GFK sun l’utilisazion de Facebook. Trueps pussidënc de smartphones renunzia sun l computer per n valguna aplicazions.
I smartphone sëurantol for plu i duvieres dl computer. L “Media Efficiency Panel” (MEP) dla GFK à muserà che tl mëns de jené 57% di pussidënc de smartphones à adurvà Facebook da si aparat mubil. N terzo de chësta persones renunzia dl dut sun l computer y adrova unicamënter si smartphone. Dantaldut ëi, che fej ora ¾ di consumënc “mobile-only”, ie davierc per chësta sustituzions.
